Piensijanierku z Homiela pasadzili ŭ kałoniju za «abrazu Łukašenki», «dyskredytacyju Biełarusi» i «ekstremisckaje farmiravańnie»
Irynie Krolikavaj — 62 hady. Na piensii jana zachapiłasia rukadziellem. Ale ŭžo bolš za paŭhoda žančyna za kratami. Irynie pahražała da šaści hadoŭ kałonii.
Iryna Krolikava. Fota ź jaje vajbiera
Iryna hamialčanka, da piensii pracavała buchhałtarkaj.
Na piensii Iryna zaniała rukadziellem. Jana viaža — kručkom i śpicami. Taksama ŭłasnaručna ŭpryhožvaje svoj padvorak.
Apošni raz Iryna ŭvachodziła ŭ «Adnakłaśniki» ŭ studzieni 2025 hoda. A niadaŭna jaje asudzili pa troch palityčnych artykułach Kryminalnaha kodeksu — «uvachodžańnie ŭ skład ekstremisckaha farmiravańnia» (č. 3 art. 361‑1 KK), «abraza Łukašenki» (č. 1 art. 368 KK) i «dyskredytacyja Biełarusi» (art. 369‑1 KK).
Padrabiaznaści spravy, jak i dakładny prysud nieviadomyja. Ale Iryna zastajecca za kratami, značyć, prysud źviazany z pazbaŭleńniem voli.
Iryna Krolikava — adna sa starejšych žančynaŭ-palitviaźniaŭ. Jana siarod 10 piensijanierak, jakija ciapier za kratami.
Čytajcie taksama:
70‑hadovuju žančynu z Homiela pasadzili za kamientary. Heta samaja pažyłaja palitźniavolenaja
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca