Žychary Tel-Aviva raściahnuli pierad prylotam Trampa na plažy vielizarny banier «Dziakuj!», kab jon byŭ bačny z samalota
Samalot z Donaldam Trampam pryziamliŭsia ŭ aeraporcie «Ben-Huryjon» u Tel-Avivie.
U aeraporcie jaho sustreli premjer-ministr Bińjamin Nietańjachu z žonkaj, prezident Izraila Icchak Hiercah, dačka amierykanskaha prezidenta Ivanka, jaje muž Džared Kušnier, pasoł ZŠA ŭ Izraili Majk Chakabi, a taksama śpiecpradstaŭnik na Blizkim Uschodzie Styŭ Uitkaf.
Na ŭźlotna-pasadačnaj pałasie była raścielenaja čyrvonaja darožka, a kardony izrailskich vojskaŭ vystrailisia dla pryvitalnaj cyrymonii.
Telekanał CNN apublikavaŭ kadry, źniatyja z vyšyni: pierad vizitam Trampa na plažy ŭ Tel-Avivie byŭ uźviedzieny vielizarny banier z nadpisam «Dziakuj».
Dalej płanujecca:
- 10:45 — sustreča ź siemjami zakładnikaŭ.
- 11:00 — vystupleńnie ŭ Knesiecie.
- 13:00 — adjezd ź Izraila i vylet u Šarm-aš-Šejch.
- 13:45 — pryziamleńnie ŭ Šarm-aš-Šejchu.
- 14:30 — udzieł u mirnym samicie ŭ Šarm-aš-Šejchu razam z prezidentam Jehipta as-Sisi i inšymi kiraŭnikami dziaržaŭ.
- 17:00 — adjezd z Šarm-aš-Šejcha i viartańnie ŭ ZŠA.
Siońnia vyzvalajuć 20 izrailskich zakładnikaŭ, jakija zastalisia žyvymi, pieršyja siem užo vyzvalenyja.
Čytajcie taksama:
Pieršyja siem izrailskich zakładnikaŭ pieradadzienyja Čyrvonamu Kryžu