U finale «Svajoj hulni» hulcy nie zmahli adkazać na pytańnie pra biełaruskaje pavierje. A vy pra takoje viedali?
U rasijskaj intelektualnaj indyvidualnaj televiktarynie «Svaja hulnia», pakazanaj na NTV 5 kastryčnika, u finalnym raŭndzie hulcam vypała biełaruskaje pytańnie.
Skrynšot videa NTV
U troch turach televiktaryny zadajucca pytańni z roznych śfier žyćcia, a hulcy nabirajuć bały za pravilnyja adkazy i hublajuć za niapravilnyja.
U finale hulcy vybrali temu «Niačystaja siła».
Viadučy Piatro Kulašoŭ začytaŭ pytańnie: «Zhodna ź biełaruskim pavierjem, Adam i Jeva advažylisia pakazać Bohu tolki pałovu svaich dziaciej — tych, z kim paśpieli zrabić mienavita heta. Astatnich schavali: u humnie, u lesie, u bałocie… Ad schavanych, maŭlaŭ, i pachodzić niačystaja siła».
Skrynšot videa NTV
Dvoje hulcoŭ adkazali: «Pachryścić», treci: «Dać im imiony». Viadučy ahučyŭ pravilny adkaz: «Zhodna ź biełaruskim pavierjem, Adam i Jeva pakazali Bohu tolki tych dziaciej, jakich paśpieli pamyć. Adsiul i niačystaja siła».
A vy viedali pra takoje naša pavierje?