U stalicy Indaniezii aficyjna zabaroniać prodaž i ŭžyvańnie sabačaha i kašečaha miasa
Ułady Džakarty, stalicy Indaniezii, rychtujuć aficyjnuju zabaronu na prodaž i spažyvańnie miasa sabak i katoŭ. Pra heta paviedamiŭ hubiernatar horada padčas sustrečy z pradstaŭnikami arhanizacyi «Indaniezija biez sabačaha miasa».
Čynoŭnik vykazaŭ nadzieju, što inicyjatyvu padtrymajuć zakanadaŭčyja orhany Džakarty i što jana stanie prykładam dla inšych rehijonaŭ krainy. Pavodle jaho słoŭ, pastanova pavinna być padrychtavanaja ciaham miesiaca i budzie častkaj mier pa prafiłaktycy raspaŭsiudžvańnia šalenstva ŭ staličnym rehijonie.
Pavodle danych arhanizacyi «Indaniezija biez sabačaha miasa», z 2013 hoda ŭ Džakartu štohod pastupaje kala 9 tysiač sabak na miasa, hałoŭnym čynam z pravincyj Zachodniaja Java i Bali.
Arhanizacyja viadzie kampaniju suprać užyvańnia sabačaha i kašečaha miasa z 2017 hoda. Mienavita dziakujučy jaje namahańniam pieršaja takaja zabarona była ŭviedziena na vostravie Bali, a paźniej da inicyjatyvy dałučylisia i inšyja indaniezijskija harady.
Čytajcie taksama:
Kot prezidenta Indaniezii ŭziaty pad dziaržaŭnuju achovu
Prezident Indaniezii prylataŭ da Łukašenki, kab pahavaryć pra ŭhnajeńni