Naŭsieda: Situacyju z achovaj Cichanoŭskaj zanadta dramatyzujuć

Prezident Litvy Hitanas Naŭsieda zajaviŭ, što pytańnie ab źmienie režymu achovy Śviatłany Cichanoŭskaj zanadta dramatyzujecca ŭ hramadskaj i palityčnaj płoskaści, paviedamlaje LRT.

Hitanas Naŭsieda

Pavodle słoŭ kiraŭnika Litvy, situacyja ź biaśpiekaj Cichanoŭskaj aceńvałasia śpiecyjalnymi słužbami vielmi adkazna, i ŭzrovień pahrozy dla jaje ciapier ličycca mienšym, čym raniej. Tamu było vyrašana nie admieniać achovu całkam, ale źmianić jaje farmat.

Naŭsieda adznačyŭ, što naviny pra źmienu farmatu achovy vykarystoŭvajucca niekatorymi palityčnymi siłami dla taho, kab «nasiekčy palityčnych droŭ». Jon padkreśliŭ, što Cichanoŭskaja i jaje kamanda zastajucca žadanymi haściami ŭ Litvie i mohuć praciahvać svaju dziejnaść pry padtrymcy dziaržavy, jakaja zabiaśpiečyć nieabchodnyja ŭmovy.

Raniej hałoŭnaja daradca prezidenta pa pytańniach źniešniaj palityki Asta Skajshirycie paviedamiła, što kančatkovaje rašeńnie adnosna ŭzroŭniu achovy Cichanoŭskaj jašče nie pryniataje. Pavodle jaje, achova pavinna zastavacca, ale kankretnyja miery i formy vyznačajucca śpiecyjalnymi słužbami.

Kamientary da artykuła