«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»
Polskaje vydańnie Rzeczpospolita pasprabavała razabracca, čamu litoŭskija ŭłady panizili status achovy Śviatłany Cichanoŭskaj. Krynicy vydańnia ŭ Litvie ličać, što prablema kompleksnaja.
Polskija žurnalisty parazmaŭlali ź niekalkimi ludźmi, jakija majuć dačynieńnie da kułuaraŭ litoŭskaj palityki. Adzin ź ich źviazaŭ prablemy ofisa Śviatłany Cichanoŭskaj z raskołam u litoŭskim palitykumie.
«Havorka idzie nie pra zdradu ci raptoŭnuju źmienu palityki Litvy ŭ dačynieńni da Alaksandra Łukašenki. Z 2020 hoda staŭleńnie litoŭskaha hramadstva da biełaruskaj apazicyi źmianiłasia. Kali ŭžo stała vidavočna, što revalucyja ŭ Biełarusi nie ŭdałasia, pamienšyłasia kolkaść achvotnych padtrymlivać praciŭnikaŭ režymu Łukašenki.
Siońnia naša hramadstva ŭ hetym pytańni mocna padzielenaje. Nie apošniaje miesca zajmaje rost niepryjaznaści da ruskamoŭnych imihrantaŭ, siarod jakich daminujuć ukraincy i biełarusy», — kaža surazmoŭca RP, dobra daśviedčany ŭ kułuarach litoŭskaj palityki.
Na jaho dumku, havorka idzie nie pra raptoŭnuju źmienu palityki Litvy ŭ dačynieńni da Łukašenki, a ŭ cełym pra nastroi ŭ litoŭskim hramadstvie.
«Hetyja nastroi adbivajucca na pazicyi palityčnych elit. Adbyŭsia raspad raniejšaha kansensusu, što tyčycca ŭschodniaj palityki Litvy. Elity šukajuć novuju ideju dla palityki ŭ dačynieńni da Biełarusi», — dadaje jon.
Źmiena ŭrada ŭ Litvie i toj fakt, što sa śniežnia krainaj sukiruje antysistemnaja «Niomanskaja zara», taksama spryčynilisia da źmieny staŭleńnia da raniejšaj uschodniaj palityki krainy. Vilnia, u pryvatnaści, sprabuje palepšyć adnosiny z Kitajem, sapsavanyja raniej adkryćciom pradstaŭnictva Tajvania ŭ Litvie.
Nielha vyklučać, adnak, što sprava značna bolš składanaja, čym zdajecca na pieršy pohlad, i moža vychodzić daloka za miežy litoŭska-biełaruskich adnosin. Takoj dumki prytrymlivajecca inšy surazmoŭca, jakoha polskaje vydańnie nazyvaje ŭpłyvovym.
«Klučom da razumieńnia situacyi źjaŭlajecca źmiena palityki ŭ ZŠA. Jany chočuć adkryć šlach da dalejšych pieramoŭ z Łukašenkam. Amierykancy zajavili, što narmalizacyja litoŭska-biełaruskich adnosin stabilizuje situacyju na ŭschodnim fłanhu NATA, źnizić ryzyku kanfliktu i zekanomić srodki amierykanskich padatkapłacielščykaŭ.
Dumaju, historyja robić kruh, i ofis Cichanoŭskaj paŭtoryć los urada Biełaruskaj Narodnaj Respubliki, jaki niekali mieściŭsia ŭ Koŭnie (Litva pierastała jaho padtrymlivać u 1923 hodzie, i biełarusy musili pierajechać u Prahu)», — miarkuje jon.
Pasłańnik Biełaha doma Džon Koŭł apošnim časam nieadnarazova naviedvaŭ Minsk, jedučy ŭ Biełaruś praź Litvu. Dziakujučy hetym vizitam udałosia vyzvalić bolš za 60 palityčnych źniavolenych, u tym liku Siarhieja Cichanoŭskaha.
Prezident ZŠA taksama pravioŭ z Łukašenkam telefonnuju razmovu i ŭ adnym sa svaich dopisaŭ u sietcy nazvaŭ jaho «pavažanym prezidentam». Z paviedamleńniaŭ zachodnich ŚMI vynikaje, što Łukašenka razhladajecca jak adzin ź instrumientaŭ kamunikacyi Vašynhtona z Maskvoj.
Viačorka: Ofis Cichanoŭskaj pierajedzie ŭ Polšču? Nie chacieŭ by śpiekulavać na hetuju temu
Litoŭski deputat: Ofis Cichanoŭskaj pracuje nie za litoŭski košt, my ŭsiaho tolki zabiaśpiečvali achovu
Litva źniziła ŭzrovień fizičnaj achovy Śviatłany Cichanoŭskaj
U Ofisie Cichanoŭskaj prakamientavali rašeńnie źnizić uzrovień jaje fizičnaj achovy ŭ Litvie
Były kiraŭnik MZS Litvy raskrytykavaŭ panižeńnie ŭzroŭniu achovy Cichanoŭskaj
Premjer-ministr Litvy: Uzrovień achovy Cichanoŭskaj skarekciravany z ulikam uzroŭniu pahroz
Praca fizičnaha ofisa Cichanoŭskaj u Vilni časova prypyniena
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali9
Kamientary
Nie zria vitinsko-pozdniakovskije pojut, v unison, v kommientach na NN !!!
A Pozdniak podpievajet v svoich zahraničnych intierv́ju.
Nie dumał, čto doživu do momienta, kohda Pozdniak budiet chvaliť Łukašienko, a Łukašienko budiet chvaliť Pozdniaka !
No, DOŽIŁ !!!!