Z-za padzieńnia dronaŭ na Homielščynie siłaviki pračasali 72 hiektary ziamli
Ministr unutranych spraŭ Ivan Kubrakoŭ paviedamiŭ, što na terytoryi Biełarusi praviali abśledavańnie 72 hiektaraŭ ziamli z-za vypadkaŭ padzieńnia bieśpiłotnikaŭ. Pra heta paviedamlaje telehram-kanał Homielskaha abłvykankama.
Zdymak ilustracyjny. Fota: AP Photo / Efrem Lukatsky
Padčas apieratyŭnaj narady ŭ Homieli Ivan Kubrakoŭ adznačyŭ, što pa prośbie staršyni Homielskaha abłvykankama Ivana Krupko ŭ hetaj vobłaści stvaryli śpiecyjalnyja hrupy z supracoŭnikaŭ milicyi i vajskoŭcaŭ.
Hetyja hrupy sumiesna ź inšymi słužbami pravieryli bolš za 72 tysiačy hiektaraŭ sielskahaspadarčych ziamiel u pošukach mahčymych miescaŭ padzieńnia BPŁA. Jakija byli vyniki hetaj pracy, Kubrakoŭ nie ŭdakładniŭ.
Čytajcie taksama:
Paśla 16‑dzionnaha pierapynku adnavilisia paloty rasijskich bieśpiłotnikaŭ praz terytoryju Biełarusi
Dva rasijskija drony ŭpali ŭ Brahinskim rajonie, adzin vybuchnuŭ
Minułaj nočču drony znoŭ sprabavali pierasiačy biełaruska-polskuju miažu