Biełaruś pieradała Rasii abvinavačanaha ŭ vykradańni kiraŭnika pieciarburhskaha pradpryjemstva
Hienprakuratura paviedamiła, što Biełaruś pieradała Rasii hramadzianina Rasii, jakoha abvinavačvajuć va ŭdziele ŭ vykradańni kiraŭnika adnaho z bujnych pradpryjemstvaŭ Sankt-Pieciarburha.
Fota ilustracyjnaje
Pavodle źviestak Hienprakuratury, rasijski bok źviarnuŭsia z zapytam ab vydačy hetaha čałavieka dla pryciahnieńnia jaho da kryminalnaj adkaznaści pa artykule, jakaja praduhledžvaje adkaznaść za vykradańnie čałavieka, učynienaje arhanizavanaj hrupaj.
Abvinavačany, pavodle śledstva, udzielničaŭ u złačynstvie z karyślivych matyvaŭ i z prymianieńniem hvałtu, niebiaśpiečnaha dla žyćcia i zdaroŭja paciarpiełaha.
Z 2017 hoda jon chavaŭsia i znachodziŭsia ŭ miždziaržaŭnym vyšuku, pakul 1 lipienia 2025 hoda jaho nie zatrymała biełaruskaja milicyja ŭ Mahilovie. Paśla hetaha, pa daručeńni Hienprakuratury, Departamient vykanańnia pakarańniaŭ MUS arhanizavaŭ pieradaču zatrymanaha pradstaŭnikam Rasii.
Čytajcie taksama:
U Polščy biełarusa zatrymali pa padazreńni ŭ vykradańni čałavieka