U Biełaviežskaj puščy znajšli novy vid hryba
Navukoŭcy znajšli novy dla Biełaviežskaj puščy vid hryba — ełafamices šypavaty. Pra heta paviedamlaje aficyjny sajt nacyjanalnaha parku.
Supracoŭniki navukovaha adździeła Biełaviežskaj puščy zrabili dziŭnuju znachodku padčas palavych daśledavańniaŭ. Jany znajšli novy vid hryba — ełafamices šypavaty (Elaphomyces muricatus). Hety padziemny sumčaty hryb, jaki vonkava nahadvaje trufiel.
«Hryb raście pad ziamloj na hłybini ad 2 da 20 sm, što robić jaho pošuki davoli składanymi. Adnak lasnyja nasielniki znachodziać pa pachu i achvotna jaduć hetyja hryby, pakidajučy mahčymaść zaŭvažyć vykapanyja vonki pładovyja cieły, cudam acalełyja paśla takich trapiez. Varta adznačyć, što hety vid dla čałavieka źjaŭlajecca niejadomym», — zaŭvažyli ŭ navukovym adździele.
Raście hryb pieravažna ŭ prybiarežnych dubrovach i źmiešanych lasach, dzie ŭtvaraje mikaryzu z roznymi vidami liścievych dreŭ.
Čytajcie taksama:
U Biełaviežskaj puščy znajšli dva redkija miksamicety
U Minskaj vobłaści zaŭvažyli pavuka-asu
U Biełaviežskaj puščy znajšli hryb, raniej nieviadomy navucy
Raku ŭ Biełaviežskaj puščy paviarnuli ŭ rečyšča XIX stahodździa