U Vałožynskim rajonie byŭ zaŭvažany pavuk-asa, abo pałasataja arhiopa. Jaho jaskravaja afarboŭka nahadvaje asu i vyhladaje pahroźliva, adnak dla čałavieka jon amal biaśpiečny.
Ukus pavuka paraŭnalny z ukusam pčały i ŭjaŭlaje niebiaśpieku hałoŭnym čynam dla alerhikaŭ i maleńkich dziaciej.
Upieršyniu arhiopa źjaviłasia ŭ Biełarusi ŭ 2001 hodzie — u Biełaviežskaj puščy, piša mlyn.by.
Siońnia pavuk-asa staŭ zvykłym vidam, jaki sustrakajecca na łuhach, palanach i ŭ pojmach rek. Bijołahi adznačajuć, što raśsialeńnie pavuka źviazana nie tolki ź źmianieńniem klimatu, ale i z adaptacyjaj vidu da bolš surovych umoŭ. Samki trymajucca ŭ centry pavuciny hałavoj uniz, a ich sietki adroźnivajucca šyrokimi dekaratyŭnymi pałosami. Cikava, što kožnuju noč pavuk častkova razburaje i źjadaje svaju pavucinu, a ranicaj buduje jaje nanova. Samcy značna mienšyja, žyvuć niadoŭha i paśla sparvańnia časta stanoviacca zdabyčaj samki.
Niahledziačy na ŭnušalnyja pamiery, dla čałavieka jon nie ŭjaŭlaje surjoznaj pahrozy. Jaho ŭkus vyklikaje tolki bol i dyskamfort, ale moža być ryzykoŭnym dla ludziej z alerhijaj.
Ciapier čytajuć
Žychary Hrušaŭki i Michałova zastajucca biez deputatki: čempijonka Mirončyk-Ivanova źbirajecca ŭ dekret19
Kamientary