Druhuju biaspłatnuju sprobu EKA mohuć pačać u Biełarusi z 2026 hoda
U Biełarusi z 2026 hoda mohuć pačać pradastaŭlać druhuju biaspłatnuju sprobu ekstrakarparalnaha apładnieńnia. Pra heta paviedamiŭ načalnik adździeła miedycynskaj dapamohi maci i dzieciam Ministerstva achovy zdaroŭja Dźmitryj Łazar, paviedamlaje BiełTA.
Fota: BiełTA
Doktar adznačyŭ, što EKA na biudžetnaj asnovie — vielmi zapatrabavanaja miera padtrymki.
«Zaraz razhladajecca pytańnie ab tym, što druhaja sproba ekstrakarparalnaha apładnieńnia taksama budzie pradastaŭlacca biaspłatna. Ja miarkuju, heta stanie mahčymym u nastupnym, 2026 hodzie. Zaraz unosiacca źmieny ŭ zakanadaŭstva, praličvajecca materyjalnaja nahruzka. Paśla zakančeńnia hetych pracesaŭ pracedura budzie zapuščana», — raskazaŭ Dźmitryj Łazar.
Usiaho za čatyry hady dziejańnia prahramy biaspłatnaj sproby EKA vydatkavana kala 22 młn rubloŭ.
Za hety čas praviedziena 6095 cykłaŭ ekstrakarparalnaha apładnieńnia, i nastupili 2424 kliničnyja ciažarnaści.