U biełarusaŭ u Rasii internet pracavać nie budzie
Biełarusy ŭ Rasii zastalisia biez suviazi — na zamiežnych sim-kartach zusim pierastaŭ pracavać mabilny internet.
Na vulicach Maskvy. Fota: Sefa Karacan / Anadolu via Getty Images
Na pačatku kastryčnika 2025 hoda rasijskija mabilnyja apieratary pačali ŭvodzić tak zvany pieryjad astudžeńnia dla ŭsich uładalnikaŭ zamiežnych sim-kart.
Mierkavałasia, što heta budzie dziejničać tolki pieršyja 24 hadziny paśla pierasiačeńnia miažy Rasii. Abmiežavańnie pavinna było dapamahčy ŭ baraćbie z dronami, jakija bjuć pa rasijskich zavodach i vajennych bazach.
Ale da siaredziny kastryčnika vyśvietliłasia, što sistema nie pracuje, piša «Mieduza». Bolšaści apierataraŭ prosta nie ŭdajecca źniać błakiroŭku.
Abmiežavańni tyčacca nie tolki mabilnaha internetu, ale i SMS-paviedamleńniaŭ.