Minsk uvajšoŭ u top-10 zamiežnych haradoŭ, najbolš papularnych u rasijskich avijapasažyraŭ
Takaja infarmacyja ad transpartnaj klirynhavaj pałaty raźmieščana na sajcie ATAR — Asacyjacyi turapierataraŭ, jakaja abjadnoŭvaje profilnyja kampanii z roznych rehijonaŭ Rasii, paviedamlaje BiełTA.
Fota ilustracyjnaje
Pa vynikach studzienia—žniŭnia biełaruskaja stalica zaniała ŭ rejtynhu siomaje miesca. Siudy źlatali 376 tysiač rasijan.
Piaciorka lidaraŭ u paraŭnańni ź minułym hodam nie źmianiłasia — Antalja, Stambuł, Jerevan, Dubaj i Pchukiet. Taksama ŭ topie Šarm-eš-Šejch, Baku, Churhada, Taškient.
«Ilvinaja dola zamiežnaha pasažyrapatoku z Rasii farmirujecca mienavita za košt turystaŭ», — rastłumačyli ŭ ATAR.
Što datyčycca samych papularnych zamiežnych krain, kudy lotali pasažyry rasijskich avijakampanij, to imi stali Turcyja, Tajłand i Uźbiekistan. Vialikija ličby dla krain SND (Armienija, Uźbiekistan, Tadžykistan, Kyrhyzstan) tłumačacca vielmi vysokaj dolaj pajezdak dyjaspary, jakaja žyvie abo pracuje ŭ Rasii.
Čytajcie taksama:
Čamu ŭ Minsku tak šmat rekłamy anłajn-kazino?
Biełaruskim zdraŭnicam prapanujuć učastki na akupavanym Rasijaj marskim uźbiarežžy Ukrainy
Biełaruskija sanatoryi raskuplajuć za paŭhoda, ceny na vosień vyraśli