Jeŭrapiejskija dypłamaty kansultavalisia ź Cichanoŭskaj z nahody prapanovy biełaruskich uładaŭ ab sustrečach

Pasoł Biełarusi pry Śviatym Prastole ŭ Vatykanie i były namieśnik ministra zamiežnych spraŭ Juryj Ambrazievič pravioŭ niepubličnyja sustrečy z šeraham jeŭrapiejskich dypłamataŭ. Na dumku adnaho z dypłamataŭ, jaki sustreŭsia z Ambrazievičam, Minsk «adčuvaje akno mahčymaściaŭ» na fonie paciapleńnia stasunkaŭ z administracyjaj Donalda Trampa i choča vykarystać hety momant, kab damahčysia skasavańnia sankcyj. Ci ŭ kursie hetych kantaktaŭ Ofis Śviatłany Cichanoŭskaj? Pra heta «Lusterka» spytała ŭ dypłamatyčnaha daradcy Cichanoŭskaj Dzianisa Kučynskaha.

Dzianis Kučynski

«Tak, my viedajem pra hetyja kantakty. Dypłamaty roznych krain, u tym liku ŭ Paryžy, źviartalisia da Cichanoŭskaj z nahody hetych niadaŭnich zachadaŭ z boku Ambrazieviča, — raskazaŭ Dzianis Kučynski. — 

Jana skazała, što ŭ pryncypie nie suprać, kali niechta z supracoŭnikaŭ ambasadaŭ, na nižejšym uzroŭni, sustreniecca z Ambrazievičam u Paryžy. Jana taksama paprasiła našych partnioraŭ tranślavać ahulnajeŭrapiejskuju paviestku ŭ dačynieńni da režymu: što ŭsie palitviaźni musiać być vyzvalenyja, a represii spynicca».

Kamientary da artykuła