Daŭni pasiarednik kardynał Hudžeroci pryjedzie ŭ Biełaruś na nastupnym tydni
16 kastryčnika pasoł u Vatykanie Juryj Ambrazievič sustreŭsia z prefiektam Dykasteryi pa spravach Uschodnich cerkvaŭ kardynałam Kłaŭdya Hudžeroci.
Baki abmierkavali aktualnyja pytańni ŭzajemadziejańnia pamiž Biełaruśsiu i Śviatym Pasadam pa napramkach, što znachodziacca ŭ kampietencyi kardynała Hudžeroci, paviedamlaje pres-słužba MZS.
Na nastupnym tydni kardynał naviedaje Biełaruś dla ŭdziełu ŭ uračystych mierapryjemstvach, prymierkavanych da 100‑hodździa Pinskaj jeparchii.
Kłaŭdya Hudžeroci dobra viadomy biełaruskim viernikam, bo z 2011 pa 2015 hod byŭ apostalskim nuncyjem u našaj krainie.
U vieraśni 2012 hoda Kłaŭdya Hudžeroci zrabiŭ vizit u turmy, dzie ŭtrymlivalisia biełaruskija palityčnyja źniavolenyja.
Jon tady naviedaŭ niekalki pienitencyjarnych ustanoŭ, dzie asabista pieradaŭ vitańni i duchoŭnuju padtrymku palitviaźniam ad Papy Bieniedykta XVI. Siarod ich byli, naprykład, Aleś Bialacki, Źmicier Daškievič, Pavieł Sieviaryniec.
Taksama Kłaŭdya Hudžeroci spryčyniŭsia da viartańnia ŭ krainu Tadevuša Kandrusieviča, jakoha ŭłady ŭ 2020 hodzie nie puskali nazad.
Nuncyj Hudžeroci nieadnarazova maliŭsia na Dziady ŭ Kurapatach, a kali byŭ nuncyjem u Vialikabrytanii, pieryjadyčna naviedvaŭ Biełaruskuju biblijateku imia Skaryny ŭ Łondanie.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary