Z pačatku hoda ŭ Polščy dazvoł na žycharstva atrymali 26 tysiač biełarusaŭ
Za 9 miesiacaŭ 2025 hoda 26 tysiač biełarusaŭ atrymali dazvoł na žycharstva ŭ Polščy, admovili bolš čym trom tysiačam, piša Most sa spasyłkaj na Centr biełaruskaj salidarnaści.
Fota: Most
U studzieni—vieraśni 2025 hoda 26 tys. biełarusaŭ atrymali DNŽ u Polščy. Admovili ŭ DNŽ 3,4 tys. hramadzianam Biełarusi, razhlad spraŭ jašče 1 tys. prypynieny.
Chto i dzie atrymlivaje DNŽ
Čaściej za ŭsio biełarusy atrymlivajuć časovyja DNŽ. Za 9 miesiacaŭ hety dakumient atrymali 21,7 tys. čałaviek. U asnoŭnym heta mužčyny (57%), pieravažna va ŭzroście ad 35 da 64 hadoŭ.
Jak praviła, biełarusy atrymlivajuć časovyja DNŽ u suviazi z pracaj (62%) abo jak členy siamji (20%), jašče 4% atrymlivajuć dakumienty dla navučańnia i 14% — pa inšych pryčynach.
Pastajanny DNŽ za 9 miesiacaŭ dali 3,8 tys. hramadzianam Biełarusi, u asnoŭnym na padstavie polskich karanioŭ.
518 čałaviek atrymali status doŭhaterminovaha rezidenta ES.
Varta adznačyć, što razhlad spraŭ pakul nie paśpiavaje za padačaj zajaŭ. Z pačatku hoda biełarusy padali 37,7 tys. zajaŭ na VNŽ. Bolš za ŭsio zajaŭnikaŭ pražyvajuć u Mazavieckim (14,0 tys.), Vialikapolskim (3,9 tys.), Nižniesilezskim (3,9 tys.) i Padlaskim (3,5 tys.) vajavodstvach.
Na jakich padstavach biełarusy žyvuć u Polščy
Usiaho na 1 kastryčnika 2025 hoda hramadzianie Biełarusi znachodziacca ŭ Polščy na padstavie:
-
časovaha DNŽ (časovy pobyt) — 90,5 tys.
-
pastajannaha DNŽ (stały pobyt) — 42,0 tys.
-
doŭhaterminovaha rezidenta ES — 2,0 tys.
-
dadatkovaj abarony — 9,7 tys.
-
statusu biežanca — 1,0 tys.
-
časovaj abarony — 0,5 tys.
-
pa inšych dakumientach (akramia viz) — 164 čałavieki
Bolš za ŭsio biełarusaŭ žyvie ŭ Mazavieckim vajavodstvie (54 tys.). Dalej iduć Padlaskaje (14 tys.), Nižniesilezskaje, Pamorskaje i Vialikapolskaje (pa 12 tys.) i Małapolskaje (10 tys.).