Siłaviki vykupili na dzień akvapark «Lebiadziny» dla ideałahičnaha mierapryjemstva
20 kastryčnika ŭ muziei Vialikaj Ajčynnaj vajny ministr unutranych spraŭ Ivan Kubrakoŭ uručyŭ novyja pahony pavyšanym u zvańni supracoŭnikam milicyi i ŭnutranych vojskaŭ. Pry hetym jon anansavaŭ, što zaŭtra ŭ jahonym viedamstvie zapłanavanaje mierapryjemstva ź jašče bolšym razmacham.
Fota: t.me/pressmvd
Kubrakoŭ adznačyŭ, što cyrymonija ŭznaharodžańnia prachodzić napiaredadni aficyjnaha Dnia baćki. Pa jaho słovach, u sistemie Ministerstva ŭnutranych spraŭ słužać 2 500 šmatdzietnych siemjaŭ, u jakich vychoŭvajucca amal 9 000 dziaciej.
«Zaŭtra arhanizujem maštabnaje ideałahičnaje mierapryjemstva ŭ akvaparku «Lebiadziny». Jon adčynić svaje dźviery dla našych šmatdzietnych siemjaŭ. Usie kvitki vykuplenyja za košt aficerskich schodaŭ! Na placoŭcy pierad akvaparkam praviadziem spartyŭnyja spabornictvy, konkursy, pačastujem usich sałdackaj kašaj», — raśpisaŭ ministr svaim padnačalenym pryvabnyja pierśpiektyvy.