U Lidzie 17‑hadovy padletak streliŭ ź pnieŭmatyčnaha pistaleta ŭ voka tavaryšu
Incydent adbyŭsia jašče ŭ siaredzinie maja.
Usio zdaryłasia ŭ adnym ź internataŭ, paviedamlaje abłasnaja milicyja.
U pakoi znachodzilisia dvoje padletkaŭ: 16 i 17 hadoŭ. Małodšy padletak dastaŭ z tumbački pnieŭmatyčny pistalet, jaki nabyŭ jašče dva hady tamu na markietpłejsie. Jon vyrašyŭ pravieryć, ci pracuje jon, źmiaściŭ u rukajatku servisny bałon dla stralby i nakiravaŭ zbroju ŭ bok susieda pa pakoi.
Padletak zabyŭ, što jana zaradžana mietaličnym šarom. U vyniku kula trapiła 17‑hadovamu chłopcu ŭ levaje voka.
Miedykam udałosia zachavać zrok padletka, ale traŭma była davoli surjoznaja. Za naniasieńnie mienš ciažkich cialesnych paškodžańniaŭ pa niaŭvažlivaści zaviedziena kryminalnaja sprava.