Biełaruś nie budzie prymać udzieł u Paralimpijskich hulniach-2026
Na spabornictvach nie budzie pradstaŭnikoŭ Biełarusi ni ŭ adnym vidzie sportu, bo ŭ spartsmienaŭ niama mahčymaści prajści kvalifikacyju i adabracca na hulni pa spartyŭnym pryncypie, piša «Presboł».
Ilustracyjny zdymak
Toje, što biełarusy nie zmohuć udzielničać u Paralimpijskich hulniach, jakija adbuducca 6‑15 sakavika 2026 hoda ŭ Miłanie, uakładniŭ kiraŭnik IPC Endru Parsans:
«Ciapierašniaja pazicyja FIS, IBU i World Curling aznačaje, što spartoŭcy i kamandy ź Biełarusi i Rasiei nie mohuć udzielničać u (mižnarodnych) spabornictvach, što robić niemahčymym ich adbor na zimovyja Paralimpijskija hulni.
Choć Biełaruś i Rasieja ciapier mohuć udzielničać u spabornictvach pa śledž-chakiei, na hetym poźnim etapie kvalifikacyi ŭžo vyznačylisia šeść kamand-udzielnic adboračnaha turniru ŭ listapadzie», — skazaŭ jon.
U vieraśni 2025 hoda IPC aficyjna adnaviŭ Paralimpijski kamitet Biełarusi ŭ pravach paśla praciahłaha bana.
Raniej pra zabaronu na ŭdzieł u Alimpijskich i Paralimpijskich hulniach dla biełarusaŭ i rasijan paviedamiła Mižnarodnaja fiederacyja łyžnaha sportu. Upieršyniu ŭ historyi biełarusy mohuć viarnucca ź Zimovaj Alimpijady ni z čym.