Polskaja prakuratura šukaje biełarusa, jakoha abvinavačvajuć u zabojstvie polki
Jaho ličać datyčnym da zabojstva maładoj buchhałtarki, jakoje adbyłosia 16 kastryčnika 2023 hoda.
Vyjava: gov.pl
Paśla doŭhaha rasśledavańnia spravy, polskaja prakuratura abvinavaciła 33‑hadovaha hramadzianina Biełarusi Eryka Piatrova ŭ zabojstvie maładoj buchhałtarki Izabeły R.Ch., piša Interia.
Viadoma, što zabojstva adbyłosia ŭ adnym z centralnych varšaŭskich hatelaŭ 16 kastryčnika 2023 hoda — cieła achviary znajšli ŭ umary praz dva dni. Žančynu zadušyli piatloj. Izabełu ličyli źnikłaj bieź źviestak z 13 kastryčnika taho ž hoda.
Inšyja padrabiaznaści spravy nie raskryvajucca.
Paviedamlajecca, što Piatroŭ u kastryčniku 2023 hoda pavinien byŭ pakinuć Polšču. Ciapier jon moža znachodzicca ŭ Biełarusi.
Jamu pahražaje pakarańnie ad 10 hadoŭ pazbaŭleńnia voli da pažyćciovaha źniavoleńnia.