Niečakana. Unutry handlovaha centra ŭ Minsku adkryjecca pravasłaŭny chram
U handlovym centry Outleto na praśpiekcie Žukava adkryjuć pravasłaŭny chram. Na budynku ŭžo vidać pazałočany kupał z kryžam, piša Onliner.
Carkva raźmieścicca na ŭzroŭni piataha paviercha — patrapić u jaje možna budzie z ofisnaj častki HC.
Jak raspaviali pradstaŭniki Outleto, budaŭnictva pačałosia prykładna dva miesiacy tamu. Ciapier viaducca adździełačnyja raboty. Skončyć uźviadzieńnie chrama płanujuć uviesnu. Jak rastłumačyli ŭ HC, praces hety davoli pracajomki, bo ŭklučaje i mastackuju častku — rośpis chrama, stvareńnie ikon — heta patrabuje šmat času.
Inicyjatyva naležyć hałoŭnamu akcyjanieru kompleksu i ŭzhodniena ź jeparchijalnymi strukturami.
— Usie aficyjnyja dazvoły atrymany, a miesca aśviečana, — zapeŭnili ŭ Outleto.
Aficyjnaj nazvy ŭ chrama pakul niama. U Minsku nie tak šmat relihijnych prastoraŭ unutry kamiercyjnych kompleksaŭ. Adzin z prykładaŭ — chram u honar Śviatoha Iaana Kranštackaha, jaki funkcyjanuje ŭ ofisnym budynku na vulicy Sapioraŭ, 5.