Kolkaść pracoŭnych mihrantaŭ vyrasła ŭ Biełarusi ŭ paŭtara raza. Raście i złačynnaść siarod zamiežnikaŭ
Pieršy namieśnik ministra ŭnutranych spraŭ Biełarusi Juryj Nazaranka zajaviŭ pra pavieličeńnie mihracyjnych patokaŭ u Biełaruś.
Za 9 miesiacaŭ 2025 hoda ŭ paraŭnańni z anałahičnym pieryjadam minułaha hoda kolkaść zamiežnikaŭ, jakija pryjazdžajuć u Biełaruś na pracu, pavialičyłasia ŭ paŭtara raza — z 21 tysiačy da 32 tysiač čałaviek.
Na fonie prytoku zamiežnikaŭ u krainu adznačajecca pavieličeńnie na 17% uličanych złačynstvaŭ, učynienych zamiežnymi hramadzianami. Ich udzielnaja vaha ŭ ahulnaj struktury złačynnaści ŭ paraŭnańni z anałahičnym pieryjadam minułaha hoda trochu pavialičyłasia i skłała 3,4%.
Kolkaść biełaruskich hramadzian, jakija vyjazdžajuć pry sadziejničańni jurydyčnych asob i IP dla pracaŭładkavańnia za miažu, skaraciłasia z 3 tysiač da 2 tysiač čałaviek. Ale realny lik takich biełarusaŭ bolšy, čym pakazvaje aficyjnaja statystyka.