Dola małainvaziŭnych apieracyj u Biełarusi vyrasła da 43%

Dyrektar Minskaha navukova-praktyčnaha centra chirurhii, transpłantałohii i hiematałohii (MNPC) Aleh Rumo raskazaŭ, što ŭ krainie ŭzrasła da 43% (było 25%) dola małainvaziŭnych apieracyj. U asobnych rehijonach takich umiašańniaŭ — 70%.

Fota ilustracyjnaje

Abjom małainvaziŭnych apieracyj, jakija źjaŭlajucca najbolš sučasnym i aščadnym mietadam lačeńnia ź mienšaj kolkaściu uskładnieńniaŭ, skaročanym terminam znachodžańnia ŭ stacyjanary i chutkaj reabilitacyjaj, składaje 43%. U asobnych rajonach-fłahmanach pracent hetych apieracyj dachodzić da 60-70%.

U najbližejšy čas čakajecca pierachod na novy ŭzrovień.

«My zmožam padniacca jašče na adnu prystupku — rabatyčnaj chirurhii. Na siońniašni momant rabatyčnyja technałohii — heta taksama adzin z drajvieraŭ małainvaziŭnych umiašańniaŭ, — dadaŭ Aleh Rumo. — Napeŭna, u rehijony ich pakul stavić nie maje sensu, ale ŭ viadučych lačebnych ustanovach takija rabatyčnyja kompleksy pavinny być».

Kamientary da artykuła