Maładoha chłopca z Naračy pasadzili za palityku. A jon sa ściaham Rasii i fanat Viktara Kaliny
Ivan Jurski — stvaralnik staronki «Šanson dla dušy». Składana skazać, za što jaho mahli represavać.
Ivan Jurski. Fota ź jahonaj staronki ŭ TikTok
Ivanu Jurskamu 29 hadoŭ. Jon z Naračy (Kupy) — kurortnaha pasiołka ŭ Miadzielskim rajonie. Apošnim časam pierajechaŭ u Minsk i pracavaŭ achoŭnikam.
Raniej Ivan byŭ futbolnym fanatam, ale niadoŭha. U jaho sacsietkach niama ničoha pratestavaha.
Ivan Jurski. Fota ź jahonaj staronki ŭ «Adnakłaśnikach»
Niezrazumieła, za što Jurskaha mahli aryštavać. Jon vioŭ supołki «Šanson dla dušy», dzie vykładaŭ hetuju śpiecyfičnuju muzyku. U jahonych sacsietkach — pravasłaŭnyja chramy, jon nosić adzieńnie z rasijskim ściaham i repościć šanson kštałtu Viktara Kaliny. Cikavicca błatnoj tematykaj uvohule. U tyktoku Ivan śpiavaje i tančyć pad rozny šanson.
Jurskaha zatrymali pry kancy studzienia 2025 hoda. Asudzili ŭvosień 2025‑ha ŭ Minskim haradskim sudzie za «raspalvańnie varožaści» (č. 1 art. 130 KK). Viadoma, što jamu prysudzili kałoniju. Dakładny prysud nieviadomy, ale Ivanu pahražała da troch hadoŭ.
Čytajcie taksama:
U źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Jak zaścierahčy siabie ŭ VK, Facebook i «Adnakłaśnikach» — padrabiazny hajd