Pientahon uchvaliŭ pastaŭku Ukrainie rakiet «Tamahaŭk»
Pientahon daŭ zhodu na pieradaču Ukrainie kryłatych rakiet Tomahawk, zrabiŭšy vysnovu, što heta nie padarvie abaranazdolnaści ZŠA, piša CNN sa spasyłkaj na svaje krynicy. Adnak kančatkovy dazvoł pavinien padpisać prezident ZŠA Donald Tramp.
Fota: National Air and Space Museum
Sam Tramp na sustrečy z prezidentam Ukrainy Uładzimiram Zialenskim nie daŭ adnosna pastavak pramoha adkazu, zajaviŭšy, što rakiety važnyja i dla samoj Amieryki.
Pa danych CNN, dla paskareńnia dastaŭki ŭžo padrychtavany apieratyŭny płan: na vypadak padpisańnia rašeńnia praduhledžany «chutki maršrut» pastavak.
Paralelna ŭ Pientahonie raspracavali śpiecyjalnyja naziemnyja puskavyja ŭstanoŭki — pakolki ŭ VMS Ukrainy ciapier niedastatkova płatformaŭ dla efiektyŭnaha zapusku rakiet z karabloŭ abo padłodak.
Čytajcie taksama:
Tramp skazaŭ Zialenskamu, što pakul nie maje namieru pastaŭlać Kijevu rakiety «Tamahaŭk»
Zialenski prapanuje Trampu ŭ abmien na «Tamahaŭki» ŭkrainskija drony