Zialenski prapanuje Trampu ŭ abmien na «Tamahaŭki» ŭkrainskija drony
Prezident Ukrainy Uładzimir Zialenski skazaŭ, što prapanuje Donaldu Trampu pahadnieńnie ab atrymańni kryłatych rakiet Tomahawk u abmien na ŭkrainskija bieśpiłotnyja sistemy. Jak paviedamlaje «Jeŭrapiejskaja praŭda», pra heta jon skazaŭ žurnalistam padčas sustrečy z Trampam u Biełym domie.
Prezident ZŠA na pytańnie ab mahčymaści pieradačy Ukrainie rakiet Tomahawk skazaŭ, što jany taksama patrebnyja amierykanskim vojskam, tamu hetaje pytańnie jon abmiarkuje ź Zialenskim.
Na heta Zialenski skazaŭ, što vajna Rasii suprać Ukrainy — heta «jašče adna technałahičnaja vajna», u jakoj Tomahawk mohuć vykarystoŭvacca ŭ spałučeńni z «tysiačami dronaŭ».
«Voś čamu nam patrebien «Tamahaŭk». Ale ŭ Złučanych Štataŭ vielmi mahutnaja vytvorčaść, u Złučanych Štataŭ jość Tomahawk i inšyja rakiety, vielmi mahutnyja rakiety. Ale ŭ ich mohuć być našy tysiačy dronaŭ. Voś čamu my možam supracoŭničać, my možam uzmacnić amierykanskuju vytvorčaść», — dadaŭ jon.
Na ŭdakładnieńnie žurnalista, ci idzie havorka pra abmien rakiet Tomahawk na ŭkrainskija drony, Zialenski adkazaŭ śćviardžalna.
«U nas jość prapanova ab našych dronach», — dadaŭ jon.
Tramp, u svaju čarhu, skazaŭ, što ZŠA «zacikavili b» ukrainskija drony.
Jak paviedamlałasia, adnoj z klučavych tem razmovy Trampa i Zialenskaha budzie pytańnie ab mahčymaj pieradačy Ukrainie dalnabojnych rakiet Tomahawk. Raniej Tramp paśla razmovy z Pucinym, praŭda, skazaŭ, što rasijskamu kiraŭniku nie spadabałasia ideja, kab rakiety Tomahawk pastaŭlalisia Ukrainie.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary