U Minsku mužčyna raźbiŭ dźviery ŭ banku, kali nie zmoh źniać hrošy ŭ bankamacie
U milicyju Savieckaha rajona Minska pastupiła paviedamleńnie pra paškodžańnie majomaści ŭ adździaleńni adnaho z bankaŭ na vulicy Kujbyšava. Vyśvietliłasia, što dźviery raźbiŭ 25‑hadovy žychar Minskaha rajona.
Fota ilustracyjnaje
Pa materyjałach śledstva, mužčyna pryjechaŭ u Minsk da svajoj dziaŭčyny. Padčas prahułki jana paprasiła jaho kupić pradukty, i chłopiec vyrašyŭ źniać hrošy z kartki. Ale bankamaty pobač absłuhoŭvali tolki jurydyčnych asob, tamu apieracyju jon zrabić nie zmoh.
Chłopiec razzłavaŭsia i ŭdaryŭ nahoj pa šklanych dźviarach — jany raźbilisia. Paśla hetaha para chutka pakinuła miesca zdareńnia.
U dačynieńni da mužčyny raspačali kryminalnuju spravu pa artykule «Chulihanstva». Škoda ad jaho dziejańniaŭ acenienaja bolš čym u 600 rubloŭ. Raniej jon u pole zroku milicyi nie traplaŭ.