Školnik z Hrodna dva tydni papracavaŭ u narkašopie i atrymaŭ 8 hadoŭ kałonii
Sud razhledzieŭ kryminalnuju spravu ŭ dačynieńni 14‑hadovaha hrodzienca. Padletka pryznali vinavatym u nabyćci i zachoŭvańni asabliva niebiaśpiečnych psichatropnych rečyvaŭ u bujnym pamiery ŭ składzie arhanizavanaj hrupy.
«U składzie złačynnaj hrupoŭki ŭdzielničaŭ u niezakonnym abarocie asabliva niebiaśpiečnaha psichatropnaha rečyva — 4‑SMS masaj kala 480 hramaŭ», — paviedamili ŭ prakuratury.
Pavodle słoŭ školnika, u narkašopie jon paśpieŭ papracavać dva tydni. Za hety čas, paviedamlaje prakuratura, jon atrymaŭ bolš za try tysiačy rubloŭ.
Z ulikam usich padadzienych dokazaŭ sud vynies abvinavaŭčy prysud. Padletku pryznačanaje pakarańnie ŭ vyhladzie pazbaŭleńnia voli na 8 hadoŭ, adbyvać termin jon budzie ŭ vychavaŭčaj kałonii. Taksama paviedamlajecca, što na padstavie zakona «Ab amnistyi ŭ suviazi z 80‑hodździem Pieramohi» jon vyzvaleny ad pakarańnia častkova na termin 1 hod.
Prysud ustupiŭ u zakonnuju siłu.