Bank «Rašeńnie» ŭvodzić abmiežavańni na źniaćcie hatoŭki
Bank «Rašeńnie» z 12 listapada ŭvodzić limity na źniaćcie najaŭnych hrošaj z kartak. Jany zakranuć jak bieskantaktnaje źniaćcie hrošaj, tak i źniaćcie z dapamohaj płaciežnych servisaŭ — Apple Pay, Samsung Pay, «Biełkart Pay», Swoo Pay.
Limit składzie 1000 rubloŭ, $350, €350 ciaham adnaho dnia. U pres-słužbie paviedamili, što jon budzie dziejničać u bankamatach banka «Rašeńnie» i bankamatach inšych bankaŭ na terytoryi Biełarusi.
Jašče adzin bank uvodzić limit na źniaćcie hatoŭki. Praviadzieńnie lubych apieracyj bieskantaktnaha źniaćcia najaŭnych u pryładach bankaŭ, raźmieščanych za miežami Biełarusi, budzie całkam zabaronienaje.
Kali treba źniać bolš hrošaj, daviadziecca skarystacca fizičnaj kartkaj — pry hetym pa joj buduć dziejničać standartnyja limity.
Niadaŭna limity na źniaćcie hatoŭki ŭviali Biełarusbank i Pryjorbank.