U Bośnii padčas pažaru ŭ domie sastarełych zahinuli 10 čałaviek
U horadzie Tuzła na paŭnočnym uschodzie Bośnii i Hiercahaviny adbyŭsia pažar u domie sastarełych, u vyniku jakoha zahinuli prynamsi dziesiać čałaviek i kala dvaccaci byli špitalizavanyja, paviedamlaje Euronews.
Fota: AP Photo
Pavodle paviedamleńniaŭ, ahoń uźnik na vierchnich pavierchach budynka ŭviečary 4 listapada. Niekalki čałaviek atrymali atručeńnie čadnym hazam, troje ź ich znachodziacca ŭ reanimacyi.
Pažarniki i ratavalniki pracavali na miescy ŭsiu noč, evakujujučy žycharoŭ i zmahajučysia z połymiem. Adna z žycharak internata raskazała, što ŭžo spała, kali pačuła hučnyja vybuchi i ŭbačyła ahoń na vierchnich pavierchach.
Pavodle ŭładaŭ, ciapier viadziecca pošuk časovaha žylla dla pažyłych ludziej, jakija vyžyli. Pryčyna pažaru pakul nie vyznačanaja — śledčyja pačnuć rasśledavańnie, kali miesca zdareńnia stanie biaśpiečnym.
Premjer-ministr krainy Niermin Nikšyč nazvaŭ toje, što adbyłosia, «katastrofaj vielizarnaha maštabu», a prezident Prezidyuma Bośnii i Hiercahaviny Želka Kamšyč vykazaŭ spačuvańni rodnym zahinułych i paciarpiełych.
Čytajcie taksama:
U Kientuki paśla krušeńnia hruzavoha samalota zahinuli siem čałaviek
U rasijskim Surhucie na pažary zahinuli siem čałaviek, u tym liku čaćviora dziaciej
Vieteran «SVA» i były čynoŭnik Smalenščyny zažyva zhareŭ u aŭtadomie ŭ svoj dzień narodzinaŭ