Armienija dazvoliła vyjechać biełaruscy, abjaŭlenaj łukašystami ŭ vyšuk
Armienija dazvoliła vyjezd biełaruscy Natalli (imia źmieniena ź mierkavańniaŭ biaśpieki), jakaja znachodziłasia ŭ mižnarodnym vyšuku pa palityčnych matyvach, paviedamiŭ u svaim telehram-kanale kiraŭnik Narodnaha antykryzisnaha ŭpraŭleńnia Pavieł Łatuška.
Armienija. Zdymak ilustracyjny. Fota: Naša Niva
Paviedamlajecca, što ŭ 2020 hodzie žančyna ŭdzielničała ŭ mirnych pratestach i ŭvachodziła ŭ kiraŭnictva adnaho ź biełaruskich čataŭ, dzie abmiarkoŭvali situacyju ŭ krainie. Paśla niezakonnaha zatrymańnia i dopytu Natalla była vymušanaja pakinuć Biełaruś.
U 2025 hodzie, kali jana pryziamliłasia ŭ Armienii padčas padarožža, žančynie paviedamili, što pakinuć krainu joj nielha z-za mižnarodnaha vyšuku pa zapycie režymu Łukašenki. U padtrymku Natalli vystupili pravaabaroncy, dabračynnyja arhanizacyi i pradstaŭniki Abjadnanaha pierachodnaha kabinieta, a taksama jurydyčnyja arhanizacyi jak u Biełarusi, tak i ŭ Armienii.
Dziakujučy namahańniam dypłamataŭ i pravaabarončych struktur Armienija vydała aficyjny dazvoł na vyjezd Natalli. Jana pakinuła krainu i prybyła ŭ Jeŭrapiejski sajuz, dzie ciapier znachodzicca razam sa svajoj siamjoj u biaśpiečnym miescy.
Čytajcie taksama:
Cichanoŭskaja sustrełasia z Pašynianam u Paryžy
Armienija moža padać zajaŭku na ŭstupleńnie ŭ Jeŭrasajuz užo ŭ listapadzie