26‑hadovaja minčanka pieradała machlaram 200 tysiač rubloŭ
Dziaŭčynie patelefanavaŭ nieviadomy pad vyhladam rabotnika «Biełpošty», paviedamiŭ pra pastupleńnie joj pasyłki i paprasiŭ nazvać kod z SMS.
Praź niekalki chvilin z achviaraj źviazałasia iłžesupracoŭnica adździeła kibierbiaśpieki i zapałochała, što ad jaje imia zrobleny pieravod asobie, jakaja znachodzicca ŭ vyšuku. Kab paźbiehnuć kryminalnaj adkaznaści, nieabchodna zadekłaravać źbieražeńni, paviedamlaje pres-słužba MUS.
Paciarpiełaja pakłała ŭ skrynku zvyš 200 tysiač rubloŭ i pieradała kurjeru.
Akramia taho, pa ŭkazańni surazmoŭcy jana ŭstanaviła mabilny dadatak, padniesła svaju bankaŭskuju kartu da smartfona, a zatym ździejśniła bankaŭskija pieravody, straciŭšy ŭ sumie jašče bolš za 40 tysiač rubloŭ. Paśla ŭsich manipulacyj ź joj pierastali vychodzić na suviaź.
Zaviedziena kryminalnaja sprava za machlarstva.