Polšča da 2027 hoda padrychtuje 400 tysiač reziervistaŭ

Polšča abviaściła pra zapusk najbujniejšaj u svajoj historyi prahramy vajskovaj padrychtoŭki pad nazvaj wGotowości («u Hatoŭnaści»). Da 2027 hoda pa joj płanujuć navučyć kala 400 tysiač dobraachvotnikaŭ. Pra heta paviedamiŭ ministr abarony Polščy Uładzisłaŭ Kasiniak-Kamyš.

Zdymak ilustracyjny. Fota: AP Photo/Czarek Sokolowski, File

U prahramie zmohuć udzielničać usie achvotnyja — ad studentaŭ da piensijanieraŭ. Piłotny etap pačniecca ŭžo ŭ listapadzie.

Treniroŭki buduć pravodzicca ŭ padraździaleńniach Uzbrojenych sił i vojskaŭ terytaryjalnaj abarony. Žychary zmohuć vybrać kurs na svoj hust: bazavuju vajskovuju padrychtoŭku, pieršuju dapamohu, asnovy vyžyvańnia abo kibierabaronu. Da kanca 2025 hoda navučańnie pavinny prajści kala 20 tysiač čałaviek.

Studentam cyvilnych VNU, jakija vyrašać ustupić u rezierv, buduć vypłačvać stypiendyju ŭ 1000 złotych (kala 250 dalaraŭ) u miesiac.

Uładzisłaŭ Kasiniak-Kamyš adznačyŭ, što śviet ciapier pieražyvaje «najbolš niebiaśpiečny čas z kanca Druhoj suśvietnaj vajny»: idzie vajna va Ukrainie, adbyvajucca dyviersii ŭ Bałtyjskim mory, a taksama aktyŭna viadziecca baraćba ŭ kibierprastory. Tamu ŭrad apošnija paŭhoda pracavaŭ nad prajektam usieahulnaj vajskovaj padrychtoŭki, kab umacavać ustojlivaść hramadstva i padrychtavać ludziej da mahčymych pahroz.

Polšča ciapier aktyŭna naroščvaje abarončuju mahutnaść: u 2026 hodzie jana płanuje vydatkavać na abaronu 4,8% VUP (kala 200 miljardaŭ złotych, ci $54,7 miljarda). Kraina ŭžo maje treciuju pa kolkaści armiju ŭ aljansie (216 tysiač vajskoŭcaŭ) i źbirajecca pavialičyć jaje jašče amal na tracinu ŭ nastupnyja dziesiać hadoŭ.

Akramia taho, Polšča stvaraje ŭłasnuju «ścianu suprać dronaŭ» dla abarony ad rasijskich pahroz. Pieršyja sistemy płanujuć uvieści ŭ ekspłuatacyju praz try miesiacy, a całkam prajekt zavieršycca praz dva hady.

Kamientary da artykuła