Hihancki zubr, jakoha miesiac tamu vieźli pa trasie M1, pryziamliŭsia ŭ Baranavičach
U pačatku vieraśnia videa z hihanckaj fihuraj zubra, jakuju pieravozili pa trasie M1, za sutki nabrała ŭ tyktoku bolš za 160 tysiač prahladaŭ. Karystalniki abmiarkoŭvali, kudy mienavita viazuć niezvyčajnuju skulpturu i chto stvaryŭ takuju rabotu. Ciapier heta tajamnica raskryłasia.
Na terytoryi AAT «Baranavicki aŭtaahrehatny zavod» prajšło ŭračystaje adkryćcio małoj architekturnaj formy «Asiłak», paviedamili ŭ miascovym pabliku ŭ instahramie.
Maštabny art-abjekt stvaryŭ skulptar i mastak Uładzimir Kanonik. Rabota maje simvalizavać zładžanuju i efiektyŭnuju pracu pradpryjemstvaŭ mašynabudaŭničaj haliny Biełarusi.
Zubra, jak paviedamlajecca, abrali tamu, što mienavita jon uvasableńnie siły, mahutnaści i nacyjanalnaha charaktaru Biełarusi. Jon adlustroŭvaje stojkaść i zdolnaść biełaruskaha naroda pastajać za siabie, a nazva «Asiłak» padkreślivaje mahutnaść i nadziejnaść ajčynnaha mašynabudavańnia.
Hety art-abjekt całkam vyrableny z detalaŭ i kampanientaŭ, jakija vypuskaje sam aŭtaahrehatny zavod.
Čytajcie taksama:
Pa trasie M1 vieźli hihanckaha zubra. TikTok hadaje, kudy jon nakiroŭvajecca
U Breście pastavili skulturu desantnika z aŭtamatam — u honar archanioła Michaiła
Nazvanyja imiony siami piśmieńnikaŭ, čyje skulptury pastaviać kala Nacyjanalnaj biblijateki
U minskim parku źjavilisia niezvyčajnyja skulptury z dreva i mietału FOTY