Rasijanie nie zmohuć atrymlivać šenhienskija multyvizy
dapoŭniena
Jeŭrakamisija patłumačyła takoje rašeńnie.
Ilustracyjny zdymak: «Naša Niva»
Hramadzianie Rasii bolš nie zmohuć atrymlivać šenhienskija multyvizy. Takoje rašeńnie ahučyli ŭ Jeŭrakamisii.
Ale adnarazovyja vizy im praciahnuć vydavać. Ciapier rasijanie pavinny buduć padavać zajavy na novuju vizu štoraz, kali zachočuć ujechać u Jeŭrasajuz. Heta, jak miarkujecca, dazvolić pravodzić dbajnuju i častuju pravierku zajaŭnikaŭ dla źnižeńnia luboj patencyjnaj pahrozy biaśpieki.
Vyklučeńni buduć tolki dla «vyrazna vyznačanych hrup zajaŭnikaŭ, jakija ŭjaŭlajuć saboj panižany profil ryzyki». Heta členy siemjaŭ žycharoŭ krain ES i rabotniki transpartu.
Novyja praviły tyčacca tolki zajaŭ rasijan, padadzienych u Rasii.
Jeŭrakamisija tłumačyć, što pryniała heta rašeńnie z pryčyny rostu ryzyk dla biaśpieki, źviazanych z vajnoj Rasii suprać Ukrainy, uklučajučy vykarystańnie mihracyi ŭ jakaści zbroi, akty sabatažu i patencyjnaje złoŭžyvańnie vizami.