Kupili ŭ Polščy iPhone 17 i jedziecie ź im u Biełaruś — ci treba płacić na miažy?
Dapuścim, vy kupili ŭ Polščy iPhone 17 koštam $1500 i jedziecie ź im na lehkavym aŭtamabili na radzimu. Ci treba dekłaravać smartfon i ŭnosić pošlinu? Na mytni adkazali.
Fota: AP
— Košt iPhone — $1500, heta pieravyšaje biaspošlinnuju normu ŭvozu naziemnym transpartam, jakaja składaje €500. Tamu jaho treba abaviazkova zadekłaravać i ŭnieści mytnuju pošlinu ŭ pamiery 30% ad koštu ŭ častcy pieravyšeńnia normy, piša Onliner.by.
U hetym vypadku raźlik pošliny taki: ($1500 − €500) × 30% — usiaho płacić pryjdziecca kala $276.
— Taksama ŭ adnosinach da tavaraŭ dla asabistaha karystańnia padlahaje ŭniasieńniu zbor za ažyćciaŭleńnie mytnych apieracyj u pamiery 10 rubloŭ, — dadajuć na mytni. — Tamu pry pierasiačeńni miažy vam nieabchodna iści pa čyrvonym kalidory punkta propusku.