U nastupnym hodzie buduć pašyrać minskija mohiłki «Lasnyja»

U 2025 hodzie ŭ Minsku płanujuć zaviaršyć ramont aharodžaŭ troch mohiłak i pašyryć terytoryju jašče adnych. Pra heta raskazaŭ dyrektar «Hardarbuda» Siarhiej Panioŭ, paviedamlaje ahienctva «Minsk-Naviny».

Mohiłki «Lasnyja». Fota: ritual-minsk.by

«Hardarbud» — arhanizacyja, jakaja zajmajecca ramontam usich abjektaŭ kamunalnaj formy ŭłasnaści, — paviedamiŭ Siarhiej Panioŭ. — U ramkach uparadkavańnia Minska my taksama vystupajem zakazčykami ŭ ramoncie aharodžaŭ na mohiłkach stalicy, što isnujuć. U 2025 hodzie płanujem skončyć ramont aharodžaŭ jak minimum troch, u ideale, kali paśpiejem, čatyroch».

Pavodle słovaŭ dyrektara «Hardarbuda», u 2024‑m pryviali da ładu aharodžy troch mohiłak, u tym liku i ŭ «Minsk-Miry».

«U 2026‑m majuć namier prystupić da budaŭnictva adnoj z čerhaŭ mohiłak «Lasnyja», tym samym pavialičyŭšy ich terytoryju», — zajaviŭ Panioŭ.

Mohiłki «Lasnyja» raźmieščanyja za 4 kiłamietry na paŭdniovy ŭschod ad MKAD niedaloka ad vioski Vialiki Traścianiec. Da ich budaŭnictva prystupili ŭ 2020 hodzie. Chavać pamierłych tut pačali ŭ sakaviku 2021 hoda, tady adkryŭsia ŭčastak na 1,5 tysiačy mahił.

Kamientary da artykuła