U MZS raspaviali pra stan biełaruski, paciarpiełaj u DTZ u Tajłandzie
Hramadzianka Biełarusi, jakaja paciarpieła ŭ DTZ u Tajłandzie, znachodzicca pad nahladam daktaroŭ u stabilnym stanie i atrymlivaje nieabchodnuju miedycynskuju dapamohu. Pra heta piša BIEŁTA sa spasyłkaju na pres-słužbu biełaruskaha źniešniepalityčnaha viedamstva.
Skrynšot videa
Pasolstva Biełarusi ŭ Vjetnamie, jakoje vykonvaje taksama funkcyi pa abaronie intaresaŭ hramadzian Biełarusi ŭ Tajłandzie, znachodzicca ŭ kantakcie ź miascovymi ŭładami i miedycynskaj ustanovaj u suviazi z darožna-transpartnym zdareńniem, u jakim paciarpieła hramadzianka Biełarusi.
Jak raskazali ŭ MZS, 9 listapada paciarpiełuju naviedaŭ biełaruski dypłamat, jaki aznajomiŭsia z umovami znachodžańnia žančyny i pahutaryŭ ź miedycynskim piersanałam.
«Pavodle najaŭnaj infarmacyi, hramadzianka znachodzicca pad nahladam daktaroŭ u stabilnym stanie i atrymlivaje nieabchodnuju miedycynskuju dapamohu. Pasolstva padtrymlivaje suviaź z rodzičami paciarpiełaj i praciahvaje adsočvać raźvićcio situacyi», — paviedamili ŭ MZS.
6 listapada ŭ pravincyi Kančanabury (Karaleŭstva Tajłand) adbyłosia darožna-transpartnaje zdareńnie, u vyniku jakoha paciarpieli hramadzianie Rasii i Biełarusi.
Čytajcie taksama:
U DTZ u Tajłandzie paciarpieli piać biełarusaŭ
Adna ź biełarusak, paciarpiełych padčas DTZ u Tajłandzie, u ciažkim stanie