«Kiłahram pa canie aŭtamabila». U Minsku znajšli pradukt amal za 40 tysiač rubloŭ
U adnoj sa staličnych kram možna kupić šafran. Heta śpiecyja pradajecca pa kaśmičnaj canie. Pradukt pryviezieny ź Ispanii i, mabyć, karystajecca popytam u Biełarusi, piša Tochka.by.
Fota: kholodilushko / Threads
Cana — prosta šok
Błohierka padzialiłasia ŭ Threads, što znajšła ŭ prodažy pieściki šafrana. Va ŭpakoŭcy pa 1 h jon kaštuje Br39,99, a kali brać u čatyry razy bolš, to tady budzie krychu tańniej — 24,99 za 1 h.
U pieraliku na kiłahram heta atrymlivajecca Br39,99 tysiačy i Br24,99 tysiačy adpaviedna.
«Kiłahram pa canie aŭtamabila. Choć kiło pa abjomie budzie, napeŭna, z vahon», — reziumavała błohierka.
Karol śpiecyj
Niekatoryja taksama dzialilisia sakretami, dzie možna nabyć tańniej:
«Samaja darahaja vostraja pryprava na płaniecie, ničoha dziŭnaha»;
«Šafran darahi, bo jaho atrymlivajuć uručnuju z tysiač kvietak»;
«Na Kamaroŭcy pa Br20 narmalny ispanski šafran, jość u adździele sa śpiecyjami pa Br28 za 1 h»;
«Jaho i treba trochi, 2‑3 nitački i ŭžo budzie efiekt»;
«Šafran — karol śpiecyj, prosta ŭpieršyniu ŭbačyła pablizu takija ličby».
Čytajcie taksama:
Ci niebiaśpiečnaja dyjeta ź nizkim utrymańniem soli hetak ža, jak i lišak soli?
U Biełarusi vyjavili ajčynnuju prypravu z kišačnaj pałačkaj i ćvillu