Pustyja chaty na vioscy dazvolili pradavać sa značnymi źnižkami
Alaksandr Łukašenka padpisaŭ ukaz, jaki źmianiaje paradak prodažu žylla, što naležyć sielskahaspadarčym arhanizacyjam. Dakumient nakiravany na toje, kab aktyvizavać vykarystańnie pustych i niezasielenych damoŭ u sielskaj miascovaści, u tym liku pabudavanych ź dziaržaŭnaj padtrymkaj.
Fota ilustracyjnaje. Fota z sacsietak
Pavodle novaha paradku, sielskahaspadarčyja arhanizacyi, jakija vałodajuć takim žyllom, zmohuć istotna źnižać startavuju canu pry prodažy na aŭkcyjonach:
- na 50% — pry paŭtornych tarhach;
- i na 80% — pry nastupnych (ciapier źnižeńnie składała tolki 10% na kožnych nastupnych tarhach).
Kali ž aŭkcyjon navat pry źnižeńni cany na 80% nie adbudziecca, to chatu možna budzie pradać usiaho za adnu bazavuju vieličyniu (na siońnia heta 42 rubli).
Pamier źnižeńnia i mahčymaść prodažu pa minimalnaj canie buduć uzhadniacca ź miascovymi vykankamami.
Ukaz nabudzie moc paśla jaho aficyjnaha apublikavańnia.