Apple prezientavała avośku-čachoł dla ajfona. Cana ŭražvaje
Takuju «avośku» možna nasić praź plačo, trymać u rukach abo pryviazvać da sumki — tudy źmieścicca luby z telefonaŭ Apple.
Fota: apple.com
Novy aksesuar atrymaŭ nazvu iPhone Pocket. Jaho prydumali sumiesna ź japonskim modnym domam Issey Miyake.
«Koleravaja palitra iPhone Pocket była śpiecyjalna raspracavanaja takim čynam, kab spałučacca z usimi našymi madelami i kolerami iPhone. Heta dazvalaje karystalnikam stvarać indyvidualnyja spałučeńni», — skazała Moli Andersan, vice-prezident Apple pa pramysłovym dyzajnie.
Fota: apple.com
iPhone Pocket — viazany z trykatažu miech, jaki nahadvaje kavałak tkaniny. Jon źjavicca ŭ prodažy ŭ subotu.
Čachoł z karotkim ramieńčykam budzie kaštavać 150 dalaraŭ, a z doŭhim — 230 dalaraŭ.
Fota: apple.com
Heta abmiežavanaja sieryja — tavar budzie dastupny niadoŭha i tolki ŭ Francyi, Kitai, Hankonhu, Tajvani, Italii, Japonii, Sinhapury, Paŭdniovaj Karei, Vialikabrytanii i ZŠA.