Na miažy z Polščaj biełaruski kiroŭca źbiŭ dziaŭčynu, jakaja nie davała jamu prajechać biez čarhi

Incydent adbyŭsia ŭnačy 10 listapada pierad punktam propusku «Terespal». Pavodle słoŭ śviedak, kiroŭca aŭtamabila z bresckimi numarami sprabavaŭ abjechać čarhu, kab prajechać chutčej, ale ludzi, jakija čakali pierad im, nie dazvalali jamu heta zrabić, piša «Miedyjazona».

Skrynšot ź videa

Pamiž kiroŭcam i prysutnymi ŭźnik kanflikt — mužčyna nastojvaŭ, što jamu treba prajechać da «Centruma». Ludzi prapanavali pakinuć mašynu na stajancy i iści pieššu, ale jon admoviŭsia i pajechaŭ na natoŭp, začapiŭšy dziaŭčynu. Taja ŭpała na darohu.

Paśla hetaha vakoł aŭtamabila sabrałasia hrupa ludziej, pačałasia sprečka. Videa zdareńnia chutka apynułasia ŭ pryhraničnych čatach, dzie karystalniki paviedamili, što prademanstravali jaho polskim pamiežnikam. Pavodle ich słoŭ, kiroŭcu zatrymali dla razboru.

U čatach ludzi abmiarkoŭvali situacyju i prapanoŭvali fotahrafavać mašyny, jakija sprabujuć praśliznuć biez čarhi, kab pieradavać zdymki pamiežnikam.

Videa incydentu paźniej apublikavali taksama praŭładnyja telehram-kanały, u tym liku źviazanyja z HUBAZiK.

Kamientary da artykuła