Ryžankoŭ: My hatovyja da pieramovaŭ u luby momant, na luboj terytoryi i biez papiarednich umoŭ
Ministr zamiežnych spraŭ Biełarusi prakamientavaŭ situacyju na litoŭska-biełaruskaj miažy, zakrytaj z kanca kastryčnika.
Fota: BiełTA
«Kali litoŭski bok sapraŭdy hatovy zachoŭvać intaresy svaich hramadzian, sapraŭdy hatovy vybudoŭvać svaje dziejańni ŭ adpaviednaści z patrebami i patrabavańniami tych pradprymalnikaŭ, jakija ŭ ciapierašni čas pakutujuć ad hetych adnabakovych mier Litoŭskaj Respubliki, to jon u najbližejšy čas pazityŭna adkaža na našy prapanovy», — skazaŭ ministr.
Pa jaho słovach, miery pavinny ŭ siabie ŭklučać ceły kompleks palityčnych i dypłamatyčnych rašeńniaŭ.
«Jašče raz paŭtaraju: rašeńniaŭ, jakija nakiravany, jak my ličym, … na jak maha chutčejšaje ŭrehulavańnie situacyi i adnaŭleńnie narmalnaha funkcyjanavańnia našaj miažy ŭ intaresach hramadzian abiedźviuch krain», — dadaŭ Maksim Ryžankoŭ.