Na druhim enierhabłoku BiełAES buduć rabić ramont
Na druhim enierhabłoku Biełaruskaj atamnaj elektrastancyi 13 listapada pačynajecca płanavy prafiłaktyčny ramont. Pra heta paviedamiła pres-słužba Ministerstva enierhietyki.
Biełaruskaja AES. Fota: LookByMedia
Takija raboty štohod pravodziacca na ŭsich atamnych stancyjach u adpaviednaści z rehłamientam, kab zabiaśpiečyć stabilnuju i biaśpiečnuju pracu abstalavańnia.
Padčas ramontu śpiecyjalisty praviaduć techničnaje absłuhoŭvańnie, dyjahnostyku i ramont asnoŭnych sistem i vuzłoŭ stancyi. Taksama budzie pravierany stan mietału i zvaračnych švoŭ na abstalavańni i trubapravodach.
Adna z hałoŭnych častak rabot — zamiena adpracavanaha jadziernaha paliva na novaje. U aktyŭnuju zonu reaktara płanujuć zahruzić kala 25% śviežych paliŭnych zborak.
Raboty buduć vykonvać supracoŭniki BiełAES razam ź inšymi biełaruskimi i rasijskimi śpiecyjalistami.
Druhi enierhabłok Biełaruskaj AES byŭ uviedzieny ŭ pramysłovuju ekspłuatacyju 1 listapada 2023 hoda i za hety čas vypracavaŭ kala 18,5 miljarda kiłavat-hadzin elektraenierhii.
Čytajcie taksama:
Ekołahi hadami pratestavali suprać AES. Ciapier jany ŭžo za
Nad Astravieckaj AES siońnia nazirali kałasalny słup pary
Łukašenka choča na hrošy, jakija zastalisia ad budaŭnictva AES, pabudavać jašče adzin błok