Michaiła Saakašvili vypisali z balnicy i viarnuli ŭ turmu

Byłoha prezidenta Hruzii Michaiła Saakašvili vypisali z balnicy, dzie jon znachodziŭsia z 2022 hoda, i viarnuli ŭ turmu. Pra heta paviedamiła Pienitencyjarnaja słužba Hruzii.

Michaił Saakašvili

Jak nahadali ŭ viedamstvie, Saakašvili byŭ pieraviedzieny ŭ pryvatnuju kliniku «Vivamied» 12 maja 2022 hoda dla atrymańnia stacyjanarnaj miedycynskaj dapamohi i z taho času znachodziŭsia pad nahladam daktaroŭ.

Ciapier, pavodle aficyjnych źviestak, stan zdaroŭja palityka pryznany zadavalniajučym, tamu jon bolš nie maje patreby ŭ stacyjanarnym lačeńni. U suviazi z hetym Saakašvili byŭ vypisany z kliniki i viarnuŭsia ŭ papraŭčuju ŭstanovu № 12, dzie praciahnie adbyvać pakarańnie na ahulnych umovach.

U Hruzii Saakašvili asudžany pa niekalkich spravach — u tym liku za nibyta raskradańnie dziaržaŭnych srodkaŭ i niezakonny pierachod miažy — u ahulnym liku bolš čym na 12 hadoŭ pazbaŭleńnia voli. Pad vartaj jon znachodzicca z 1 kastryčnika 2021 hoda, adrazu paśla svajho viartańnia z emihracyi na radzimu.

Sioleta ŭ listapadzie prakuratura Hruzii zaviała suprać Saakašvili i jašče siami apazicyjnych lidaraŭ novuju spravu — ich abvinavačvajuć u zaklikach da źviaržeńnia ŭłady. Paralelna ŭłady krainy źbirajucca pryznać niekanstytucyjnaj partyju Saakašvili «Adziny nacyjanalny ruch».

Kamientary da artykuła