Sud u Hruzii pryhavaryŭ Saakašvili da čatyroch z pałovaj hadoŭ turmy za niezakonnaje pierasiačeńnie miažy ŭ 2021 hodzie, paviedamlaje «TB Pirvieli».
U Hruzii dziejničaje pryncyp «pahłynańnia pakarańnia « pry niekalkich prysudach, ale sud moža vykarystać hety pryncyp tolki častkova, što i było zroblena siońnia: da 4,6 hadoŭ sud dadaŭ vosiem hadoŭ ad prysudu, vyniesienaha na minułym tydni, kali Saakašvili asudzili da 9 hadoŭ pa spravie ab rastracie biudžetnych srodkaŭ.
Heta značyć ahulny termin turemnaha źniavoleńnia dla treciaha prezidenta Hruzii Michaiła Saakašvili pavialičany da 12,6 hadoŭ pazbaŭleńnia voli.
Michaiła Saakašvili zatrymali ŭ kastryčniku 2021 hoda, kali jon viarnuŭsia, budučy ŭ vyšuku, u Hruziju napiaredadni parłamienckich vybaraŭ, i potym asudzili na try hady źniavoleńnia, potym jašče na try.
Na minułym tydni jamu dali dzieviać hadoŭ pa spravie ab kradziažy biudžetnych srodkaŭ.
Doŭhi čas Michaił Saakašvili znachodzicca ŭ turemnym špitali.
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary