Znojdzieny śled čaravika źnikłaha Maksima Ziańkoviča
Siońnia paćvierdzili, što jon naležyć 14‑hadovamu padletku, jaki źnik u Biarezinskim rajonie ŭ minułuju subotu.
Koła pošukaŭ było zvužana. U radyusie paŭtara kiłamietra piešaja hrupa natrapiła na sam rovar, jaki svajaki niepaŭnaletniaha, papiarednie, apaznali jak taki, što naležyć dziciaci, nahadvaje «Minskaja praŭda».
Praciahvajecca adpracoŭka prylehłaj terytoryi, u tym liku z vykarystańniem avijacyi, bo tut bałocistaja miascovaść.
Maksim źnik u subotu, 8 listapada ŭ vioscy Karbaŭskoje, kudy pryjechaŭ z baćkami na vialikija vychodnyja. Mama i dziadula ŭ subotu pajechali na poštu, a kali viarnulisia, to pabačyli, što chłopčyk prapaŭ z rovaram, pajechaŭšy ź vioski. Situacyja ŭskładniajecca tym, što dzicia maje aŭtyzm, składana idzie na kantakt i moža nie reahavać na kryki ratavalnikaŭ i vałancioraŭ.