Biełarusa, jaki stvaryŭ u Rasii biźnies ź miljonnymi abarotami, asudzili za palityku. Mahčyma, za Hajun

Alaksiej Procharčyk zajmaŭsia ŭ Padmaskoŭi elektramantažnymi rabotami i budaŭnictvam.

Alaksiej Procharčyk. Fota: relax.by

Alaksieju Procharčyku 37 hadoŭ. Jon biełarus, rodam ź Minska. U 2010‑m skončyŭ Vyšejšy dziaržaŭny kaledž suviazi na inžyniera pa telekamunikacyjach.

Pracavać jon pačaŭ jašče ŭ studenckija hady. Spačatku ŭ «Biełtelekamie», paśla inžynieram u Minskim abłasnym sudzie.

U 2017‑m Procharčyk zasnavaŭ u Rasii tavarystva z abmiežavanaj adkaznaściu «ESiS». Abrevijatura rasšyfroŭvajecca jak «enierhietyčnyja sistemy i sietki».

Asnoŭnaja śfiera jaje dziejnaści — elektramantažnyja raboty i budaŭnictva. U «ESiS» pracuje bolš za 40 čałaviek. U minułym hodzie kampanija mieła abarot kala 4 miljonaŭ dalaraŭ. 

Procharčyk byŭ tam dyrektaram z momantu zasnavańnia da 27 studzienia 2025-ha.

Alaksiej Procharčyk. Fota ź jahonych sacsietak

Z žonkaj, jakaja pracuje stylistkaj, jany žyvuć u padmaskoŭnym Krasnahorsku. U ich dvoje dziaciej — 7‑hadovaja dačka i 13‑hadovy syn. Siamja lubić padarožničać razam.

Alaksieja Procharčyka asudzili ŭ 2025 hodzie pa dźviuch častkach artykuła 361‑4 Kryminalnaha kodeksa — «sadziejničańnie ekstremisckaj dziejnaści». Mierkavana, mužčynu dali termin u kałonii ci chimiju z nakiravańniem.

Sutnaść abvinavačańniaŭ taksama nieviadomaja, ale, imavierna, pieraśled źviazany sa spravaj Hajuna.

{DONATE_PAYPAL}

Kamientary da artykuła