Milicyja zatrymała piaciarych zakładčykaŭ narkotykaŭ
Rabotniki narkakantrolu Zavodskaha RUUS pry siłavoj padtrymcy AMAPa zatrymali hrupu narkakurjeraŭ.
U damach u adnaho ź ich, 32‑hadovaha žychara Minskaha rajona, a taksama ŭ zakładkach kanfiskavana bolš za kiłahram miefiedronu i hašyšu. Zatym apieratyŭniki vyjšli jašče na čaćviarych mužčyn va ŭzroście ad 27 da 46 hadoŭ, u jakich znojdzieny miefiedron i marychuana.
Viadoma, što fihuranty pracavali na narkamarkiet: aptovyja partyi «tavara» fasavali na drobnyja i pavinny byli raskłaści pa tajnikach, ale nie paśpieli.
Zaviedziena kryminalnaja sprava za niezakonny abarot narkotykaŭ z metaj zbytu. Zatrymanym pahražaje da 15 hadoŭ pazbaŭleńnia voli.