U Minsku kupili kvateru za paŭmiljona dalaraŭ
U Alimpik Parku ŭ Minsku kupili kvateru za 500 tysiač dalaraŭ. Jana akazałasia samaj darahoj kvateraj, pradadzienaj u Biełarusi ŭ kastryčniku, paviedamlaje Realt.by.
ŽK «Alimpik Park» znachodzicca ŭ Lebiadzinym kala zakaźnika. Miesca dla žyćcia prestyžnaje. Budavaŭ hety małapaviarchovy kompleks zabudoŭščyk «TAPAS».
A raniej, darečy, heta było pole i pryvatnyja damy. Voś jak tut było ŭ 2014 hodzie.
Tut, na Ratamskaj, 24, u domie 2020 hoda pabudovy i kupili tuju samuju kvateru.
Što datyčycca samoj kvatery, to heta «čaćviorka» płoščaj 140,4 kvadrata. Za kvateru addali roŭna 500 tysiač dalaraŭ. Mietr vyjšaŭ pa 3561 dalar.